ببساطة وبالعامية .. تعرف على الفرق بين مفاضلات العام والموازي والتعليم المفتوح والمعاهد ومنح الجامعات الخاصة ..

التعليم الموازي:

طالب الموازي بدام مع طلاب العام متلو متلن بس الفرق انو هو بدفع مصاري والبطاقة وشهادة التخرج ما بكون مكتوب عليها أنو موازي يعني الفرق بس بيدفع مصاري كل سنة وبداوم وبيحضر وبقدم متل العام
علامات الموازي أقل من علامات العام حسب كل فرع ممكن تنزل شوي عن العام وممكن كتير
طالب الموازي بنعفى من الاقساط في حال طلع من الاوائل
وفي خصم لذوي الشهداء وأولاد المعلمين واللي عند أخ موازي

التعليم المفتوح بشمل عدة تخصصات و هي:
1 الترجمة
2 الدراسات القانونية
3 رياض الاطفال
4 المحاسبة
5 الدراسات الدولية و الديبلوماسية
6 ادارة المشروعات الصغيرة و المتوسطة
7 الاعلام
هي دمشق
بغير محافظات مافي اعلام ودراسات ديبلوماسية
قسط كل مادة هي 5000 ليرة واذا رسب بيدفع 6000 واذا رسب تالت مرة بيدفع 7500
دوامهن جمعة و سبت بطلبو علامات قليلة كتير اقل من 140 علامة احيانا بس بشرط تكون شهادة البكالوريا قديمة ، سنتين وطالع ، او جديدة وعمرك فوق ٢٤ سنة

الجامعة الافتراضية
متواجد مراكزها بكل المحافظات
اقساطا كمان حسب المواد كل مادة تقريباً ب 25 الف (كل مادة شكل)
التعليم فيها عن بعد و الامتحانات بالمركز على جهاز الكمبيوتر
الاختصاصات الموجودة
1 تقانة المعلومات
2 تقانة الاتصالات
3 الحقوق
4 الادب الانكليزي
5 الاقتصاد
6 هندسة المعلوماتية
7 التأهيل التربوي

أما المعاهد:
بعض المعاهد في حال الواحد طلع من ال3 الاوائل بطلع سنة تانية طب بشري او صيدلة او اسنان او هندسة و ما فيها واسطة المعدل بس بلعب دورو هي سنتين معهد يعني 24 مادة تقريبا

منح الجامعات الخاصة:
هي مفاضلة بتطلع كل سنة بعد المفاضلة العامة و بتكون كل الاختصاصات تقريبا /بشري - اسنان- صيدلة / مباشرة من دون تحضيري بالاضافة للهندسات و الاقتصاد و الخ
العلامات المطلوبة بتكون اقل من التعليم العام بكم علامة و بتكون مجانا بشكل كامل بالاضافة الى سكن جامعي و مواصلات مجانية

المصدر: سوريانا التعليمية